Mnqobi Ngidi
NgoLwesihlanu, umholi oqokwe yiqembu lezombusazwe i-Rise Mzansi KwaZulu- Natal ukungenela esobuNdunankulu , uNonkululeko Hlongwane- Mhlongo, uzochitha isikhathi ngokweseka umqhudelwan wekhilikithi, ohlelwe yi-KwaZulu-Natal Society for the blind.
Bangaphezu kwezigidi ezine abaseNingizimu Afrika abaphila nokukhubazeka. Nakuba umthethosisekelo uqinisekisa abantu abaphila nokukhubazeka ukuthi banamalungelo afanayo nezakhamuzi ezingakhubazekile, iqiniso ukuthi abantu abaphila nokukhubazeka bayaqhubeka nokuzithola ezimweni zokwecwaswa.
I-RISE Mzansi ibona kufanele kwenziwe imizamo enzulu yokuqinisekisa ukuthi ukuvikelwa kwamalungelo abantu kuyafezeka kuzo zonke izinqumo zokuphatha nezombusazwe ezenziwa yizo zonke izigaba zikahulumeni.
Inhloso yethu ukusebenzisa ezemidlalo ukukhuthaza isiko lokuncintisana nempumelelo. Imininingwane yomqhudelwano wekhilikithi imi kanje:
Usuku: ULwesihlanu, 22 kuNdasa 2024
Isikhathi: 11:00 – 15:00
Indawo: I-Kingsmead Oval
Ikheli: Kingsmead Way, eThekwini (ngaphesheya komgwaqo osuka e-Hollywoodbets Kingsmead Stadium)
Kuzoba nethuba lezithombe nezingxoxo.
