Photo Cred: KZNEDTEA
UMnyango Wezokuthuthukiswa Komnotho, Ezokuvakasha Nezemvelo KwaZulu-Natal (EDTEA), ngokusebenzisa iYunithi Yocwaningo Nokwakha Amamodeli (Research and Modelling Unit), ubambe iqhaza eMhlanganweni wesi-5 Wezomnotho Ongahlelekile owawungo-20 kuya ku-21 kuMfumfu 2026 eDurban Exhibition Centre, kuMasipala Wedolobha laseThekwini.
Le Yunithi yocwaningo yanikezwa ithuba lokwenza isethulo kanye nendawo yokubukisa ukuze yethule ucwaningo lwayo mayelana nesimo soMnotho Ongahlelekile KwaZulu-Natal. Le Yunithi yayenza ucwaningo olunzulu (Diagnostic Study) ngesimo soMnotho Ongahlelekile esifundazweni, olwaluhlose ukuhlonza izinselele kanye nezikhala abahlangabezana nazo abathengisi abasebenza ngaphandle kwemvume esemthethweni emisebenzini yabo yansuku zonke.
Imiphumela yalolu cwaningo izosiza uMnyango ekuqondeni izidingo zalaba bathengisi, futhi iholele ekuhlinzekweni kosizo olufanele oluzoqinisa nokukhuthaza umnotho ongahlelelwe esifundazweni.
