Aphelele Mathanda Ngidi
Amalungiselelo e-Africa’s Travel Indaba 2026, ahlelelwe ukuba aqale kusukela ngomhlaka-11 kuya kumhlaka-14 kuNhlaba ngawo lonyaka eThekwini, aqhubeka kahle, kanti sezilandelwe zonke izigaba ezibalulekile njengoba izinhlelo sezikuvuthondaba.
Ingxenye yalezinhlelo ibandakanya ukuqokwa kwenkampani iSynergy Business Event, nehlonzwe ngokuba nolwanzi kanye nobuchule bokusingatha loluhlobo lwemicimbi yemibukiso kanye nezingqungquthela ezinkulu.
Ukulungiselela kumakwa ngempendulo eqinile yemakethe, njengoba abathengi abaqeqeshiwe abangaphezu kuka-528 baqinisekisiwe abavela emazweni angu-34 kanye nezicelo zababukisi ezicishe zibe ngu-479 esezicutshunguliwe.
Ngokuphawulekayo, umcimbi ubona ukwanda kwabahlanganyeli bokuqala abavela kuzo zombili izizinda zendabuko zamazwe ngamazwe njenge-US ne-UK kanye nezimakethe ezisafufusa zangaphakathi kwe-Afrika njengeMalawi ne-Uganda. Njengoba idayari yomhlangano we-inthanethi izovulwa ngasekupheleni kuka-April, sekugxilwe ekuphothuleni ukwabiwa kwezitendi kanye nezinhlaka zokusebenza ukuze kuqinisekiswe ukuthi umbukiso wezohwebo uhlala uyinkundla ephambili yokuxhumanisa ezokuvakasha zase-Afrika nomnotho womhlaba.
