UMasipala Wesifunda UThukela sewuphawule ngokukhathazeka okukhulu ngokusatshalaliswa kwesihloko esidukisayo se-News24, esethulwa “njengesithombe esithwetshulwe” (screenshot)esiqukethe ulwazi olungaphelele nolungalungile. udaba olubhalwe, ngemuva kwe-paywall ye-News24, ivimbela abangabhalisile njengamakhasimende ka-News24, ukuthi bafunde umongo ogcwele, okuhlanganisa nempendulo kamasipala.
Lokhu sekuholele ekusabalaleni kolwazi olunganembile, ikakhulukazi izinsolo ezingamanga zokuthi amanzi awahlolwa okwamanje ngakho-ke awaphephile ukusetshenziswa ngenxa yokuvalwa kwelabhorethri.
Umasipala ufisa ukuqinisekisa izakhamuzi ukuthi amanzi atholakala kuso sonke isifunda aphephile ukuthi angadliwa abantu. Zonke izindawo zokuhlanza amanzi esifundeni ziyaqhubeka nokusebenza ngempumelelo, amanzi ahlanzwa kusetshenziswa amakhemikhali afanele ukuhlangabezana nezindinganiso zezempilo nezokuphepha.
Ngaphezu kwalokho, umasipala usaqinile ekuzibophezeleni kwawo ekuhlakanipheni kwezezimali, okuhlanganisa nokuqeda izindleko zokuqasha ezingadingekile. Njengoba kwachazwa ngaphambilini esitatimendeni sabezindaba, umasipala uthathe isinqumo esiqinile ngokumelene nokuqashwa kwezindawo zamahhovisi, ngenhloso yokunciphisa izindleko zokuqasha zibe uziro ekupheleni konyaka wezimali wamanje.
Kulindelekile ukuthi abantu noma izinhlangano ezifana nalezo ezishiwo esihlokweni se-News24, ngaphambilini ebezihlomula kulezi zivumelwano zokuqasha zingazama ukumelana nalezi zinyathelo zokunciphisa izindleko ngemikhankaso yolwazi olunganembi khona.
Kodwa-ke, umasipala ngeke unqotshwe yinoma iyiphi ingcindezi yokuthi wenze okuphambene nezimfuno zomphakathi. Njengamanje uMasipala wesiFunda saseThukela wenza izinguquko ezinkulu okuhloswe ngazo ukunciphisa izindleko, ukugqugquzela ukusebenza okuqinile, nokulwa nenkohlakalo, ukungajeziswa kanye nokungakwazi ukusebenza kahle.
Njengoba kuvela ukumelana nalezi zinguquko, sinxusa umphakathi ukuthi uhlale uqaphile ulwazi olungashayi emhloleni futhi weseke umasipala emizamweni yawo yokubuyisela uMasipala Wesifunda saseThukela enkazimulweni yawo yangaphambili kuyilapho uqinisekisa ukulethwa kwezinsiza ngendlela efanele.
Isitatimende sithunyelwe ihhovisi lika Meya Inkosi NB Shabalala-UThukela District Municipality.
