Esithombeni izikhulu ze-Ithala Development Finance Corporation ziphahle uMhlonishwa uMfu. Musa Zondi nowuNgqongqoshe wezomnotho kanye nezokuvakasha kwaZulu Natal.
Ithala Development Finance Corporation (IDFC) nekuyiyo ezihola phambili esifundazweni saKwaZulu -Natal uma kuza ekwakhiweni komnotho,siyaziqhayisa ngokuba ingxenye yanonyaka emcimbini omkhulukazi womjaho wamahhashi obubanjelwe e Dundee kwekaNtulikazi. Njengomeseki omkhulu walomcimbi lesikhungo siyesangamela izihambeli ezibandakanyekayo namakhasimende, nokuqinisekise ubudlelwano nokuxhumana okunomqondo nokubonisa ngokusobala ukuzibophezela ekwakheni ubudlelwano obuqinile nomphakathi.
Lomcimbi uhlonishwe ubukhona kukaNgqongqoshe weZomnotho, Ezokuvakasha kanye neZemvelo (EDTEA),uMfu. Musa Zondi,oye wagcizelela ngobumqoka bezikhuthazi zokukhuliswa komnotho emiphakathini. Uphinde wazibophezela ukweseka izinhlelo ezihlose ukuthuthukisa umnotho wasezindaweni zasemakhaya esho ngenkulu intokozo nenjabulo.
uNgqongqoshe uZondi ugqamise ubumqoka bemicimbi efuze lo obuse Dundee ekufukuleni umnotho emiphakathini nokubasa inhlansi kwisizukulwane esizayo.
Ithala. lisamile emgomweni walo wokuthuthukisa imiphakathi kanye nabahwebi ngokuthi libe nezisombululo zezimali ezinhlobonhlobo zokusiza kanye zobuchule bobudlelwano. “Sibheke phambili nokwakha ikusasa elinefuthe kubobonke abantu ababandanyekayo” kusho uNksz Pearl Bhengu, IDFC Group Chief Executive.
