Photo Cred:Sibonelo Hlongwane
Kubukeka engathi isekude ukuphela impi phakathi kwabokufika kuleli laseNinguzimu Afrika,nabasolwa ngokungena ngokungemthetho bengenazimvume. Loku kubonakale kakhulu kuleliviki njengoba liqale laze layophela iloku ijamelene ngeziqu zamehlo ku Moore Road Ethekwini.
Izakhamuzi zakuleli lase Ningizimu Afrika esifundazweni saKwaZulu Natal zizwakalise okukhulu ukunengeka ngesenzo sabokufika kuleli dolobha lase Thekwini,asebevele bagxumeka imikhukhu emugwaqeni ophakathi edolobheni. Lezi zakhamuzi ebeziwotha ubomvu zithi lesisenzo sabokufika siwukwedelela njengoba nosuku lomnqamulajuju olwalubekelwe ukuba bagoduke ngalo kudala ladlula.
Kuke kwaba nezikhawu zokuzwana amandla phakathi kwabokufika nabakuleli nokuholele ekutheni kuze kungenelele amaphoyisa omkhandlu weTheku ngokuhlanganyela neSAPS.
Nakuba bekunamahemuhemu okuthi ababhikishi abaziwa nge March and March amandla aseyabaphelela,bakhombisile ukuthi ayobaphelela ethuneni njengoba bebuye mawala kuloku. Amaphoyisa asiqaphile isimo.
