UNgqongqoshe wezokuBusa ngokuBambisana neziNdaba zoMdabu, uMhlonishwa uVelenkosini Hlabisa, uhole izingxoxo zongqongqoshe mayelana nokuThuthukiswa koLwandle lwaseMpumalanga Kapa ngokubambisana koNdunankulu waseMpumalanga Kapa naKwaZulu-Natal, uMnu. Lubabalo Mabuyane kanye noMhlonishwa uThami Ntuli nobemelwe uMhlonishwa Ungqongqoshe womnyango KZNEDTEA uMfu. Musa Zondi
Lomhlangano ubuhlose ukuhlola inqubekelaphambili kanye nokuqinisa ukusebenzisana komasipala bezifunda abane ababambe iqhaza ohlelweni lwe-Eastern Seaboard.
Lo mhlangano ubuhanjelwe yizicukuthwane okubalwa kuzo iPhini likaNgqongqoshe Wezindaba Zomdabu, uSihlalo weNdlu Kazwelonke Yabaholi Bomdabu namaKhoisan, uSihlalo weNdlu yabaHoli beNdabuko namaKhoi-San KwaZulu-Natal, kanye ne-CEO ye-Municipal Infrastructure Support Agent (MISA), uNksz Pati Kgomo. UNgqongqoshe ugcizelele ukubaluleka kokusebenzisana, ukubandakanya abaholi bendabuko, kanye nokuhlanganisa imiqondo yase-Afrika emiklamo.
UNgqongqoshe wezokuThuthukiswa koMnotho, ezokuVakasha kanye nezeMvelo KwaZulu-Natal, uMfundisi Musa Zondi, ugcizelele isidingo sokuqaliswa ngokushesha nangempumelelo kwe-Eastern Seaboard Master Plan, egxile ekuthuthukisweni kwezindawo zasemakhaya, uguquko lwezomnotho kanye nokutshalwa kwezimali kwezokuvakasha, ezolimo, umnotho wasolwandle, nama-SMME.
