Izithombe zithunyelwe
Umasipala owengamelwe umkhandlu waseThekwini ulugubhe ngolunye unyawo usuku lwabasebenzi ngomhla lulunye 1 ku Nhlaba 2024 njengoba uye waqoka ukuqeqesha abafundi abasemabangeni emfundo aphansi. Loluhlelo lukaMasipala nobeluqhutshwa umnyango obizwa i Area Base Management (ABM)nongaphansi kobuholi buka Mnu. Linda Mbonambi luye lasingathelwa emahhovisi omkhandlu eThekwini.
Labafundi bamabanga aphansi emfundo bathole uqeqesho lwamakhono obuholi ,ezokuxhumana kanye namakhono okukwazi ukuqhamuka nezisombululo ezinkingeni. Zintathu izikole eziye zaba yingxenye yenqayizivele yaloluhlelo endaweni yaseNtshongweni nokuyindawo esezabelweni ngaphansi komkhandlu weTheku,kanti umdidiyeli walezinhlelo u Mnu. Vuma Nkala nophinde abe yiThishela kwesinye sezikole ezakhele indawo yaseNtshongweni. Elandisa leliphendaba uMnu Nkal uthe ”Umkhandlu uye wahlinzeka ngabaqeqeshi abanohlonze ukuze konke kube yimpumelelo.Abafundi bebeqeqeshwa u Mnu Bayanda Gumbi, Mnu. Sthembiso Mtshali,uMnu Bongani Masinga, Phindile Xaba kanye no Melokuhle Mbatha. Ngalezinhlelo kunomuzwa wokuthi kuthuthukiswe amakhono kusukela ezikoleni kuze kufike emabangeni lapho befinyelela khona emsebenzini” kusho u Mnu Nkala.
Abafundi baluthakasele kakhulu loluqeqesho abalutholile njengoba bebethi befunda kube kuzwakala samdlalo onika umdlandla nentshisekelo kubona. Indaba siyixoxa nangezithobe.
Izikole eziye zaba zaba yingxenyo yaloluhlelo kube abafundi abavela e Charles Memorial Primary School,Lalelani Primary school kanye ne Ntshongweni Primary School. Labafundi bebephelezelwa othisha babo abakhombise okukhulu ukuzinikela nothando emsebenzini wabo uNksz Mabaso no Mnu Mbuyazi kanye no Mnu Nkala.
