Kuloba u Louise Phama
Osozimboni abancane baseClermont’ bebephume ngobuningi babo ukuthamela iMbizo yokucobelana ngolwazi olunzulu lokuphathwa kwamabhizinisi, zingama-21 kuNtulikazi. Lomcimbi obekungenwa kuwo simahla bewuhlelwe abakwa Old Mutual ngokubambisana ne-sigungu esengamele ukusebenza eClermont ngaphansi kwengqikithi ethi “FUND YOUR FUTURE: Grow your Business. Build Our Economy.”
LeMbizo ibibanjelwe esikhungweni sikaMasipala iSizakala Centre, nalapho kune hholo lomphakathi ,kanti abahleli bomcimbi bekuyi Blaq Mermaid Media and Events. Abanye abadlale indima enkulu ekusingathweni kwalembizo singabala ihhlovisi elengamele ezokuvakasha emphakathini waseClermont, uMnu. Chris Phili onguSihlalo,Mnu. Sibusiso Mthembu unobhala kanye no Mnu.Philani Hlophe ongusekela kanobhala nokuyibo abemukele zonke izethameli ebezihambele leMbizo .
Izethameli zonke zibonakalise elikhulu isasasa kulembizo njengoba ziye zazibandakanya ezingxoxweni ngemibuzo etshengisa ukuphokophela ulwazi nangemibono eyakhayo. Osomabhizinisi babuye bathola nethuba lokuthi bazane ngokwemisebenzi yabo bakha nobudlelwane.
Umphako izethameli ezithe zaphuma nawo neziwuthakasele kakhulu kulembizo
Ulwazi lokwesekwa kwamabhizinisi ngezimali
Imali mboleko yosozimboni abancane kanye nokuxhaswa ngezimali, ukuqondiswa kwezimfanelo ezidingekayo ukuze uthole uxhaso lwezimali, izikhathi ezilindwayo lapho usalindele imiphumela nokwesekelwa okutholayo.
Ulwazi lokwesekwa ngezinsiza ezingeyona imali ozidingayo ukuze usimame, Izinsiza zokuthuthukiswa kwebhizinisi ezihlanganisa ukuqeqeshwa, amathuba ezimakethe kanye nokulandela imigomo nemithetho.
Imbizo ibihlelelwe labo abanesifiso sokusungula amabhizinisi, Osomabhizinisi abancane , kanye nosozimboni asebekulungele ukukhula endimeni yabo.
Izikhulumi zisine zadedelana zishiyelana inkundla kulomcimbi nalapho beziholwa Nkk. Shabnum Bux ophuma enhlanganweni yakwa Old Mutual nowethule isifundo sokuphathwa kwezimali. Enkulumweni yakhe uNkk Shabnum uthinte izihloko, ukonga,ukuphatha kanye nezikweletu, Ukuzakhela imigomo,izinhlobo zemishado,kanye nezamafa. Inkulumo yakhe uyiphethe ngokwethulela izehambeli zeMbizo I App yakwa Old Mutual nebizwa ngokuthi I Old Mutual Vault 22 App esiza ukubonisa amakhasimende indlela aphatha ngayo izimali zawo.“Ungavumeli imali ikulawule, imicabango nemizwa yakho.” Lawo ngamazwi okuvala ka Nkk Bux.
UNkk Deveshnee Mariah uvele wangena ngqo odabeni lokucija osomabhizini abebethamele uqeqesho ngolwazi mayelana nezidingo eziwukulandela imithetho elawula ukusebenza kwamabhizinisi, Ube esechaza ngezimfuno zikahulumeni kosomabhizinisi kanye naloko okubhekwa abaxhasi bezimali uma ibhizinisi lidinga uxhasomali okanye imali mboleko. Okuye okugqame kakhulu kuleMbizo kube usizo olutholwe osomabhizinisi khona embizweni nokutshengise ukuthi abahleli bomcimbi bayazifeza izinhloso zabo kungakapholi Maseko. Imbizo Elandelayo izobanjelwa eLindelani zi- 4 Enyangeni ka Ncwaba(4 August) 2026, imininingwane ngokubhalisa kungaxhunyanwa nabakwa Blaq Mermaid Media and Events ku 0647875204 noma bathinte uNkk. Deveshnee Mariah ku 067192 6511
