Iqalile namuhla zi 29 kuNcwaba 2024 Ingqungquthela yokuthuthwa kwendle ebanjelwe phakathi nedolobha lase EThekwini nokulindeleke ukuba ize iphothulwe ngomhla zi 30 Ncwaba 2024.
Kulengqungquthela kudingidwa kabanzi ngezingqinamba ezibhekene nohulumeni basekhaya ukuhlinzeka umphakathi ngezidingo zamanzi nokuthuthwa kwendle. Okulindelekile kulengqungquthela ukuqhamuka nezisombululo zenkinga yengqalasizinda nokulethwa kwezidingo zokuthuthwa kwendle kanti isiqubulo sengqungquthela sithi “Sanitation is dignity” nokuhumusheka ngokuthi ‘Ukuthuthwa Kwendle Kuyisithunzi ‘ . Iphephandaba lakho lizokuhlanganisela kahle umbiko ogcwele njengoba iqhubeka inkomfa.
