Ngokwesitatimende Inhlangano i Sonke Gender Jusice esithumele iphephandaba , isizwakalise okukhulu ukusigxeka isenzo sondlame olubhekiswe ku Chidimma Onwe Adetshina mayelana nokufaneleka kwakhe ukungenela umncintiswano kaZime waseNingizimu Afrika. Loludlambedlu luqubuke ezinkundleni zokuxhumana nalapho kuzwakala izinkulumo ezinokucwasa ezibhekiswe kuChidima.
i Sonke iphinde yazwakalisa ukungeneliseki nokugxeka inkulumo eyenziwe ngu Ngqongqoshe womnyango ka DSAC,uMhlonishwa uGayton Mckenzie mayelana nokungenela kuka Chidima Onwe Adetshina emncintiswaneni kaZime wezwe. Ephendula inkulumo yomunye wabasebenzisa inkundla yezokuxhumana u X (nokade waziwa ngo Twitter Phambilini) ezwakalisa umuzwa wakhe ngokungenela kwalonobuhle kulomncintiswano ngokuphendula athi…’ angeke sivumele abaseNigeria ukuba bangenele lomqhudelwano kaZime waseNingizimu Afrika. Ngisafuna ukuthola kahle yonke imininingwane ngaphambi kokuba ngiphawule,kodwa kona akwehli kahle kumanje” . Njengomholi,uGayton Mckenzie bekumele asebenzise amadla anawo ngendlela efanele,nangendlela eveza ukuqhakambisa kokuthotshelwa komthetho walelizwe nokuvikela izakhamuzi.
