Sabie Chili
Iyobanjwa esithele nayo uma sekuqokwa kwabazodla umhlanganiso emcimbini wokuklomelisa
abenze kahle ngaphansi kwe Premier Soccer League kule sizini ka 2023/24.
I-Premier Soccer League imemezele abazobanga abenze kahle emikhakheni ehlukene emcimbini we
PSL. Abadlali ababili bompetha be Dstv Premiership iMamelodi Sundowns uTebogo Mokoena
nonozinti wabo ophinde abengu kaputeni uRonwen Williams kanye nomgadli we Stellenbosch FC u-
Iqraam Rayners yibo abazobanga umklomelo omkhulukazi we PSL Footballer of the season
okuwumunxa ozovotelwa abaqeqeshi bamaqembu angu 16 aku Dstv Premiership.
U Williams no Rayners bazophinde babange kumunxa we Dstv Premiership Player’s Player of the
season okuhlanganisa nesihlabani se Orlando Pirates u Patrick Maswanganyi.
Kwese Dstv Premieship Coach of the season kubanga umqeqeshi we Downs uRhulani Mokwena, owe
Bhakhaniya uJose Riviero kanye nowe Stellies u Steve Barker.
Akesikubhekele abanye abazobanga kwizigaba ezahlukene kanye nemiqhudelwano ngokwehlukana.
MTN8 Last man standing
. Sipho Chaine
. Zakhele Lepasa
. Patrick Maswanganyi
Carling Black label knockout Player of the Tournament
. Thabo Moloisane
. Devin Titus
. Iqraam Rayners
Nedbank Cup player of the Tournament
. Tshegofatso Mabasa
. Patrick Maswanganyi
. Iqraam Rayners
Nedbank cup Most promising Player
. Shandre Campbell
. Relebohile Mofokeng
Devin Titus
Dstv Diski Challenge player of the season
. Jody Ah Shene
. Ntando Nkosi
. Langelihle Nkosi
Izindlela ezohlukene zokuvota kwiminxa eyahlukene izoma kanje. Footballer of the season, uzovotelwa yi-Head coach kwiqembu ngalinye le Dstv premiership, kodwa akavunyelwe ukuvotela umdlali weqembu lakhe. Dstv Premiership Player’s player of the season, iqembu ngalinye ku Premiership lizovunyelwa
ama voti angu 30, kanti akuvunyelwe umdlali aqoke uzakwabo eqenjini. Dstv Diski Challenge player of the season nakhona abaqeqeshi abangu 16 bamaqembu abakulesigaba abazovota, nakhona akekho umqeqeshi ovunyelwle ukuvotela umdlali oseqenjini lakhe. Kunompempe nabasizi abavelele kuzovota ikomiti le SAFA National Referees Committee.
Kweminye iminxa kuzovunyelwa izintatheli zebhola, abahlaziyi. I-PSL isazomemezela usuku kanye nendawo okuzobanjelwa umcimbi maduze .
