I-Hollywood Foundation KwaZulu-Natal, nezinhlangano i-Ntenga Foundation kanye ne-SANTACO KZN, ziphethe umkhankaso wazo i-#BackToSchool Campaign yanonyaka ngomhla zingama-09 kuMbasa, ngezinhlelo ezijabulisayo ezihloselwe ukuthuthukisa imfundo KwaZulu-Natal.
Ziqhubeka nokuzibophezela kwazo ekukhuthazeni izinguquko ezinhle, lezi zinhlangano ezintathu zaqala umkhankaso wokuguqula iNqabakaZulu Secondary School KwaMashu. zibona isidingo senswelo yokuthuthukiswa kwezindlu zangasese nokuhamba kendle, amathimba asebenze ngokuzikhandla ukuze abhekane nokushoda, alungise futhi athuthukise izinsiza zokugeza. Imizamo yabo yonke iphenduke intuthuko ebonwa ngamehlo, ukuqinisekisa indawo yokufunda ekahle kubafundi.
Ekuvakasheni okufanayo eKhulangolwazi Special School eMonclair, iHollywood Foundation kanye nabalingani bayo bethule igagasi lesibili lokusekela, benanela ukuzibophezela kwabo ekwenzeni kahle kwezemfundo. Ngaphezu komnikelo wezimpahla zesikole ezibalulekile, abafundi baphathwe ngosuku olujabulisayo lokuzijabulisa, imidlalo, nokudla okulula, okwafaka isasasa elivuselelwe ngohambo lwezemfundo oluzayo.
Ekhuluma kulo mcimbi, uMorgan Shandu, oyi-Hollywood Group Executive, ubonge i-SANTACO kanye neNtenga Foundation ngokweseka kwabo okungantengantengi kulolu hlelo. “Kubalulekile kithi njengebhizinisi ukuphakamisa imiphakathi esisebenza kuyo. Siwubonile umthelela omuhle umkhankaso wethu we-Back To School obe nawo eminyakeni edlule, sidambisa imithwalo yezezimali abazali nezikole ababhekana nayo ngokufanayo. Sizimisele ukuqhubeka nokusekela isibopho sethu ezinganeni zethu.”
USihlalo we-SANTACO’s Durban Central, uYusuf Khaliva uthe, “Bekuwusuku olukhetheke kakhulu namuhla. Ukubambisana kwethu neHollywood Foundation kanye neNtenga Foundation kubalulekile kithina nasezinganeni esifinyelele kuzo ngalo mkhankaso. Singathanda ukuthi lobu budlelwano buqhubeke futhi bukhule busuka emandleni buqine.”
IHollywood Foundation yelula ukubonga okusuka enhliziyweni ku-SANTACO kanye neNtenga Foundation ngamagalelo abo abalulekile, alethe ithemba, ugqozi, noshintsho olubambekayo ezikoleni nakubafundi baKwaZulu-Natal.
Izithombe ngabakwa Hollywoodbets Foundation
