MCCD-2023: Musical Collaboration in Cultural Diversity (Umbimbi Kwezomculo Ngokwahluka Kwamasiko)
Theme: “Jazz Meets Bollywood” with Jimmy Dludlu & Shashika Mooruth
Ihlanganiswe uMnz Philani Duma Iqondiswe ku: Izintatheli nabaHleli
Imininingwane: Philani Duma (081 373 8185)
U-Mfo Ka Duma uphinda okwanyakenye. Ngemuva kokwethula ingqayizivele ye Festival ebididiyele abaculi be Jazz kuphela ebe yisasasa elikhulu iKZN International Jazz Day Festival 2023, uPhilani Duma ebambisene ne South African National Department of Sports, Arts and Culture ngohlelo lwe National Arts Council unethulela iMCCD 2023. Lona umkhosi wokugubha inyanga yamagugu nobuciko emkhakheni wezomculo ngokwehlukahlukana kwawo.
Izihlabani zomculo owahlukahlukene ziyobe zishiyelana inkundla e The Station Urban Events Place, Ethekwini ngomhla ka 30 kuMandulo/September 2023 ngo 5 kuya ku 10 ebusuku. Isiqubulo salonyaka sithi MCCD “Jazz Meets Bollywood” with Jimmy Dludlu and Shashika Mooruth. Ezinye sezihlabani ezobe zishiyelana inkundla: Nick Pitman – Mainstream Jazz, Vincent Mtetwa – Afro Jazz/Fusion, Thee Legacy – Isicathamiya, Zawadi Yamungu – Afro Indigenous, Royalson – Jazz/Afro Soul, kanye no Nicky Shange – Jazz/Afro Pop.
uMthombeni usebenzisa lomgubho ukuhlanganisa izinhlanga ezahlukahlukene njengemizamo yokudala ubudlelwane phakathi kwezizwe ezakhele iningizimu Africa. Ukwazile ukuhlanganisa I “Afro Jazz and Afro Soul” edlalwa abansundu ne “Indo Sound and Bollywood” edlalwa abomdabu baseNdiya. AmaNdiya azobe eholwa uMnu. Rajive Mohan njengomqondisi kwi Indo Sound and Bollywood eculwa ngu Shashika Mooruth Rampasad, Shanjeet Teeluck odlala iSetar kanye no Vishen Kemraj odlala ama Tabla bazobe befaka imibala ehlukile yokunonga inhlanganisela yomculo wesiNtu, Jazz, Isicathamiya, kanye nowaseNdiya ze kuphume ulozolo oluhlabahlosile.
Lomgubho uzobe uhanjelwe abalandeli abaqavile beJazz abasuka ezinhlakeni ezahlukahlukene zama Jazz Appreciators Associations njenga ne SAJAA (South African Jazz Appreciators Association), KZNJAA (KwaZulu Natal Jazz Appreciators Association) nabanye. Umnu Duma kanye nawo wonke amalunga asekela lomgubho amema bonke abathandi bomculo jikelele abathanda uxolo nokuzwana ukuba baphelele ngobuningi babo ukuzothamela lemizwilili ezokhombisa amakhono awo. Kuzobe kudluliswa imiyalezo yoxolo kwabezinhlanga ezakhele iNingizimu Afrika, ikakhulukazi njenjoba kubhekwe okhethweni lukazwelokne luka 2024.
ISagiya Foundation izoletha uhlelo lwe Music Business Master Class ezokwenziwa njalo Ngemigqibelo enyangeni ka Madulo (Sep). Izifundo zimahhala ngoba zixhaswe iEthekwini Municipality Grant in Aid for Creative Programs.
Amathikithi:
General R300 VIP: R700
Dress Code: Traditional (Dress to Kill) #FeelSpecial
Amathikithi atholakala ku-www.webtickets.co.za, nase Pick n Pay noma kwa Boxer Stores. Philani Duma, Izingcingo/Whatsapp: 081 373 8185
Email: sagiyafoundation@gmail.com
Thanda ikhasi likaFacebook @Sagiya Foundation. Instagram: sagiyafoundation
Website: www.sagiyafoundation.co.za
Iphelele, siyabonga
Sicela uthole izithombe zamaciko kuyo le email othole kuyo lencwadi.
