Asanda Shange
Zithele izithelo izinhloso zabaphathi bakamasipala wase Mzumbe eNingizimu nesifundazwe sakwaZulu Natal. Isikwati sabafana abangaphansi kweminyaka eyishumi nesishiyagalolunye (19) ubudala besinemidlalo emine yobungani EThekwini ngoMgqibelo nesonto KwaMashu naseParlock,Newland East. Inhloso yalemidlalo bekuwukuhlanganisa inqolobane yesikwati sabadlali abasebancane abaqhamuka kulomasipala ongaphansi kwesifunda UGU nokuthi bakwazi ukumela isikwati sokugcina sesifunda UGU kwimidlalo yama SALGA azobanjelwa eThekwini ngo Zibandlela nonyaka.
Okunye ukubagcina beqatha futhi besesimweni sokulungela ukumelana nezinselelo ezikhona.Okuqaphelekile kulemidlalo bekunabahlwayi bethalente nabahambe bengawuvali umlomo ngebhola elisezingeni eliphezulu elikhonjiswe ilesikwati.
Ngomgqibelo emdlalweni wokuqala bahlule iqembu i Magic Future Stars ngo 3-2 ,kwathi kowesibili bahlulwa ngo 2-1 yisikwati ebesihlanganiswe izinkakha zakwaMashu u-James Dalmini no George Khanyile wodumo lwe Lamontville Golden Arrows.
NgeSonto bavule ngokwehlula i Ethekwini Coastal FC ngo 3-1 bavala ngesibhaxu sika 4-0 kwi Kusekhaya Football Aces esanda kudlala owamanqamu womqhudelwano we Engen Cup obubanjelwe EThekwini emasontweni edlule
Abaqeqeshi beqembu likaMasipala Umzumbe kuhlangene nezikhulu zomnyango abawuvali umlomo ngezinga eliphezulu elikhonjiswe ilabafana phezu kokuba bebeqala ngqa ukudlala ndawonye. Baphinde bathumela umyalezo kubazali bezingane zonke eziqhamuka kulomasipala Umzumbe ukuba beseke abantwana ekufezeni amaphupho abo.
Baningi abangase bathathwe amaqembu amakhulu nasesigabeni seKZN ABC Motsepe League ekuqaleni kwesizini nokuyikho okuthele izithelo ngokudlala lemidlalo.
