Esikhathini sika-2021–2026, iHhovisi LoPhiko Lwezokulawulwa Kwezemfucuza kuMasipala waseThekwini likhuthaze ukuqwashisa ngezalo mvelo ngezinhlelo ezifana nohlelo lwe-Back-to-School, u-Nono wokuqwashisa ngodoti, kanye nomkhankaso we-#BinIt, kukhuthazwa ukulahlwa kukadoti ngendlela efanele nokunakekelwa kwemvelo.
Leli Hhovisi liphinde laqinisa izinhlelo zokubuyisela nokuphambukisa udoti , kuhlanganise nemikhankaso yokulahlwa kwemfucuza kagesi neyemfucuza eningi, kuhlinzekwa izakhamuzi ngezindlela zokulahla ezifanele kanti ngakolunye uhlangothi kukhuthazwa ukusetshenziswa kabusha kwemithombo yengcebo nokunciphisa ukulahlwa kodoti ngokungemthetho.
Izindawo ezine zomasipala zokulahla udoti zithola isilinganiso esingamathani ayizinkulungwane ezingama-900 emfucuza ejwayelekile ngonyaka, kanti imizamo ematasa ibheke kakhulu ekulahlweni kwemfucuza okungayilimazi imvelo, ukuhambisana nemithetho, kanye nokwenza ngcono ukusebenza kahle kwezindawo lezi.
Leli hhovisi liphinde lahola imikhankaso eminingi yokuxhumana nomphakathi, izinhlelo zezikole, nemikhankaso yokuhlanza ngenhloso yokukhuthaza ukuphathwa kahle kwemfucuza, ukubhekelelwa kwemvelo, nemikhuba eqhubekayo ehambisana noHlelo Likazwelonke Lokulawulwa Kwemfucuza.
#AsimileSiyaqhuba
Isitatimense sikhishwe umkhandlu weTheku)
