Sabie Chili
Ungqongqoshe wezemidlalo esifundazweni sakwaZulu-Natal umhlonishwa Mntomuhle Khawula usephonsele umasipala u-Mhlathuze ukuba usheshise ukuqedwa kwenkundla yezemidlalo iMhlathuze Sports Complex ukuze iqembu elizinze khona i-Richardsbay FC neligijima esigabeni se Dstv Premiership likwazi ukuyisebenzisa emidlalweni yasekhaya.
Seloku leliqembu langena esigabeni esiphezulu lidlalela ekuhambeni,eThekwini enkundleni yase Mlaza i-King Zwelithini stadium.
i-The Rich Boys isinde emidlalweni yokugcina yama Play Offs nokuyenze yathola elinye ithuba lokugijima esigabeni esiphezulu. Leliqembu eliphethwe nguSifiso “Jomo” Biyela lisanda kuhlomula ngabaxhasi abasha benkampani i PhakweGas nabayigixabeze ngezigidi zamaRandi ayikhulu (100 millions) nokuzosiza leliqembu ukufeza izidingo zalo.