By Sabie Chili
Isikole saseMgungundlovu i-Edendale Technical School samukelwe ngenhlokomo esikhumulweni sezindiza e-King Shaka airport namuhla emini emva kokugila izimanga kumqhudelwano obubanjelwe e-Zimbabwe we CAF African schools Championships.
Leliqembu lamantombazane ayivikele ngempumelelo indebe yabo kwisigaba sika Under 15, njengoba besebeyinqoba okwesibili iminyaka ilandelana.
Esikhumulweni sezindiza bekugcwele phama bezobumgazwa izikhulu zika hulumeni, abangani kanye nemindeni
Umqeqeshi waleliqembu u Ntombifuthi Khumalo oteketiswa ngelika “Muchichwa” obeselihola okwesibili kulomqhudelwano ohlanganisa amanye amazwe anjengo Angola, Botswana, Zimbabwe, Eswatini, Namibia, Zambia, Madagascar, Malawi ne Mozambique.
